Plantun de Prouvènço

Pèr coumpara dos planto d'encò nostre

Lysimachia nummularia & Lepidium hirtum

Erbo-dis-escut

Lysimachia nummularia

Primulaceae

Àutri noum : Erbo-di-cènt-malautié, Escapo-dai.

Noms en français : Herbe aux écus, Monnoyère.

Descripcioun :
L'erbo-dis-escut, planto rebaladisso, èi devengudo pulèu raro en Prouvènço. Trachis dins li prado, lis orle umide e li roubino. Se recounèis à si flour jauno e subretout à si fueio óupousado redouno que fan pensa à de peço de mounedo. La planto èi marcado sus listo roujo, categourìo LC valènt à dire soucit minour.

Usanço :
Dicho peréu despièi l'Age-Mejan erbo-di-cènt-malautié, a la reputacioun d'èstre uno planto proun vertuouso. Pamens fai de tèms qu'èi pu gaire emplegado. Ajudo à la cicatricacioun e sarié bono contro li moureno. Astringènto, saro li car e aurié de prouprieta emoustatico. Se preparo en decoucioun.

Port : Erbo
Taio : 2 à 5 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Lysimachia
Famiho : Primulaceae

Ordre : Ericales

Coulour de la flour : Jauno
Petalo : 5
Ø (o loungour) flour : 1,5 à 2 cm
Flourido : Printems - Estiéu

Sòu : Ca (Si)
Autour basso e auto : 0 à 1200 m
Aparado : Noun
Mai à Juliet

Liò : Prado - Isclo - Roubino - Orle
Estànci : Mesoumediterran à Mountagnard
Couroulougi : Éurasiatico
Ref. sc. : Lysimachia nummularia L., 1753

Ganitort(-pelous)

Lepidium hirtum

Brassicaceae Cruciferae

Nom en français : Passerage hérissée.

Descripcioun :
Planto que douno d'èr au granitort, li péu en mai. D'efèt èi proun peludo sus quàsi tóuti si partido, li fueio, la cambo e peréu li fru (fotò). Li fueio embrasson la tijo. Trachis en pichot group souvènt souto li chaine. Coumpara emé lou granitort que ié sèmblo un pau.

Usanço :
Avèn pas trop d'entresigne sus aquelo planto, mai poudèn pensa que pourrié èstre manjadisso coume lou granitort, aleva li péu...

Port : Erbo
Taio : Pancaro entresigna
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Lepidium
Famiho : Brassicaceae
Famiho classico : Cruciferae

Coulour de la flour : Blanco
Petalo : 4
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Tepiero seco - Colo
Estànci : Mesoumediterran à Subremediterran
Couroulougi : Pancaro entresigna
Ref. sc. : Lepidium hirtum (L.) Sm., 1818

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

RRR

Lysimachia nummularia & Lepidium hirtum

ges

Coumpara Erbo-dis-escut emé uno autro planto

Coumpara Ganitort(-pelous) emé uno autro planto